Упершыню за многа гадоў Зіма і Вясна вырашылі святкаваць Масленіцу разам. На сцэну завітвалі і беларускія цыгане, і лажкары, каб дзяўчат завабіць, і зяць прыходзіў да цешчы, каб палакаміцца, і залоўку правяралі, ці рухавая, і, нават, кум-выпівоха Андрэй, які так сама прыйшоў на Масленіцу, каб знайсці сабе прывабную нявесту.
Самае галоўнае вяселае непаразуменне чакала ўсіх гледачоў на Даравальнай нядзеле, калі на сцэну завіталі Мар’я і Дар’я. Дар’я так так захапілася з’яданнем бліноў, што з’ела самы галоўны блін-Зберагальнік і стала шырокай і тлуснай, як Масленіца. І каб нашы родный Касцюковічы не засталіся без зачура, Масленіца ўсіх запрасіла на вялікі святочны карагод да вогнішча!

І старыя і малыя з задавальненнем назіралі за падзеямі, якія адбываліся на сцэне. Стваралі незабыўныя вобразы калектывы Новасаматэвіцкага клуба вольнага часу, Муравільскага, Тупічынскага, Сялецкаўскага, Беладубраўскага сельскіх дамоў культуры і Пралетарскага клуба-бібліятэкі. Аўтарам сцэнарыя стала Святлана Даськова і ўсі кіраўнікі ўстаноў культуры.